قصص تاج ويوسف الاء فرج
عايزه اروح عيد ميلاد صاحبتي يا يوسف
طلع سيجاره من جيبه ودخنها ببرود : لأ
شديت السيجارة من إيده ورميتها في الشارع : قولت اكتر من مره أن بتخنق من ريحه السجاير
قصص الاء فرج
اتكلم بعصبيه : عايزه اي يا تاج أنا مصدع وعايز اروح أنام
=عايزه اروح عيد ميلاد صاحبتي سهله اهي
_ قولت لأ يا تاج، العيد ميلاد الساعه 8 بليل وأنا هكون في الشغل ومش هعرف اوديكي واجيبك
اتكلمت بصوت عالي = انتَ ولا خطيبي ولا جوزي عشان تمنعني انتَ ابن خالتي وزي اخويا الكبير
بص يمين وشمال وهو متعصب من صوتي العالي في الشارع
_ أنا مش اخوكي ولا هبقي اخوكي ما تقوليش الكلمه دي تاني بتعصب وما فيش عيد ميلاد ها
دخل العماره وركب الاسانسير وطلع علي فوق، وأنا خبطت برجلي في الأرض بغيظ وطلعت وراه
____________________________
_ يا طنط بقولك ده عيد ميلاد صاحبتي البيست ولازم اروح، اقنعيه هو بيسمع كلامك وبيحبك
= علي عيني يا بنتي والله بس اصلاً يوسف دماغه ناشفه ومش بيرجع في كلامه ما انتِ عارفه يا تاج، اسكتي اسكتي ده وصل
فتح باب الشقة ودخل وهو بيحط شنطه الشغل علي الترابيزه
= أهلاً أهلاً
بصيت عليه بغيظ وبصيت الناحيه التانيه بسرعة وأنا مضايقه
_ المفروض انك زعلانه وكده!
اتكلمت في سري : خليكي قويه يا تاج وصممي علي موقفك وهو هيعتذر دلوقتي وهيخليكي تروحي العيد ميلاد
_ أنا بتكلم ردي عليا!
=..................
اتكلم بعصبيه : عنك ما اتكلمتي اتفلقي وما فيش عيد ميلاد ها!
أي ده الترابيزه اتقلبت عليا لأ لأ ما اتفقناش علي كده
____________________________
في صباح اليوم التالي
_يوسف يوسف...... ابن خالتي العزيزه
=دلوقتي بقيت ابن خالتك وامبارح كنتِ خارسه
_ ما تبقاش قفوش كده يا جدع
اتكلم وهو بيلبس الكوتشي : ها عايزه اي؟
_ احم مش عايزه حاجة طبعاً انا بس بطمن عليك!
بصلي بنص عين : متأكده
= اه متأكده..... رايح فين
الكاتبة الاء فرج
_رايح النادي أجرى شويه تيجي ولا مش هتقدري تجري ؟
اتكلمت بغرور : اكيد هاجي انا حريفه في الجري أنا اخدت جائزه أسرع بنت في مصر!
____________________________
After 30 Mintes
_كح كح كح أقف مش قادره رجلي وجعتني ااااه
ضحك بصخب : مش قادر منطرك مسخره.... ما تجري احنا بقالنا 5 دقايق بس يا أسرع بنت في مصر!
اتكلمت وانا قاعده على الأرض بتعب : اسكت.... أنا اللي غلطانه الحماس اخدني سيكا
اتكلم وهو بيضحك : انتِ مش قادره تقفي اصلاً
تعالى نروح نأكل في بتاع حواوشي قريب من هنا
= أبداً حواوشي اي اللي أكله ده عايز يجيلي تسمم واموت لا لا على جثتي
____________________________
_هات المخلل اللي جمبك ده يا يوسف
= أهم حاجة الثبات على الرأي أنا مبهور بيكي الصراحه
= لأ بقا انتَ بتبص في الأكل كمان فيها أي يعني رجعت في كلامي.. 3..4 خمستاشر مره فيها أي يعني
لأ لأ أنا حاسه انك بتبصلي في الأكل أنا أصلاً شبعت وبعمل دايت وكده ما ينفعش
= يا شيخه اكتمي انتِ اكلتي 5 حواوشي لحد دلوقتي شويه وهتأكلي دراعي
ضحكت : حاسه أن تقلت في الأكل سيكا
=حاسه مش متأكده
_ لأ حاسه وعشان ابقا متأكده اطلبلي 2 حواوشي تاني
____________________________
_ اااه بطني مش قادره اااه
= طبيعي بطنك توجعك انتِ اكلتي بتاع نص كلب في ام الحواوشي ده
ضحكت جامد : ما تضحكنيش دلوقتي أنا حزينه وبطني وجعاني بتضحكني ليييه
____________________________
_بقيتي احسن دلوقتي؟
= اه الحمد لله، الجو برد اوي
بصلي بنص عين : ما تحلميش تاني مش هديكي الجاكيت واتعب أنا
ضربته بغيظ علي إيده : عديم الاحساس والرومانسية والذوق تلاته في واحد
= اي ده المطره بتمطر
ضحكت بسعادة : نجري
مسك ايدي وابتسم =نجري
____________________________
في صباح اليوم التالي
_ ادخل
= ازيك يا تاج عامله اي
=الحمد لله، اي اللي وراء ضهرك ده
_ ماتاخديش في بالك
المهم مالك قافله على نفسك ومش راضيه تقعدي معانا برا ليه؟
قومت من على الكرسي بغيظ : يا سلام كأنك مش عارف يعني
ضحك : اه افتكرت عشان العيد ميلاد؟
= ايوه عشان الزفت... يوسف عشان خاطري عايزه اروح نصف ساعه بس
ابتسم وطلع فستان من وراء ضهره : اي رأيك
مسكت الفستان بسعاده وانا ببص عليه بأنبهار : الله يا يوسف ده حلو أوي ده ليا؟
ابتسم بهدوء : ايوه ليكي، وأنا رايح الشغل شوفته وعجبني جداً وقولت اشتريه ليكي.... احم واخدت استراحه من الشغل ساعتين بس عشان اوديكي العيد ميلاد وبعدين هروح الشغل تاني، ما هانش عليا زعلك
اتنطت بسعاده : شكراً اوي يا يوسف الفستان جميل بشكل
ابتسم : جميل شبهك
اتوترت وحطيت شعري وراء ودني : احم طب.. اطلع وأنا هلبس الفستان عشان نمشي
بص في الساعه وقال : طيب بسرعه عشان ما نتأخرش، وانا هلبس وهستناكي تحت عند العربيه
= 5 دقايق فوريره
____________________________
_الو يا تاج يلا يا بنتي أنا واقف تحت البيت يلا كل ده
= أنا نازله اهو سلام
بصيت على نفسي في المرايه وانا بلف بالفستان وببتسم بسعادة
فتحت باب الشقه ونزلت على السلم وأنا ماسكه الفستان، لقيت يوسف واقف عند العربيه وبيبص في ساعته بعصبيه... احم مين اللي هيتهزق ناااو
_ كل ده يا تاج و.......... أي ده اي الحلاوة دي
ابتسمت بسعاده وانا بلف بالفستان : شكلي حلو
ابتسم : جداً... شكلك حلو جداً
*ولا نتمنى سوى من يتقبلنا خفافاً على القلب، يقبلوا اذنا من حين لأخر بكلمه طيبه ووعداً لبقاء دائم *
____________________________
_ اهو وصلنا، انزلي يا تاج ساعه ونمشي عشان ورايا شغل، إشطا
= اشطا
____________________________
نزلنا من العربيه ودخلنا العيد ميلاد كان جميل وصاحبتي فرحت جداً اني جيت واليوم كان جميل ولكن اليوم يعدي كدة تؤتؤ لازم يتنكد عليا لييييه عشان أنا بومه
____________________________
_اي ده ازيك يا تاج وحشتيني اوي فينك يا بنتي
بصلي يوسف بحده اللي هو مين ده
وانا ابتسمت بتوتر : احم أهلاً يا فهد عامل اي
=كويس طول ما انتِ كويسه يا تاج البنات
ضغط يوسف على أسنانه بغيظ....اي ده هو بيتحول كده ليه... ربنا يرحمك يا فهد
مسك يوسف إيده جامد وضغط عليها ببرود : أهلاً أنا ابقى خطيب تاج البنات عايز حاجة
= اي ده انتِ خطبتي يا تاجي من غير ما اعرف
ضحك يوسف وبصلي :. تاجي؟
ابتسمت بتوتر : ها
مسك يوسف دماغه وخبطها في دماغه جامد وفهد وقع على الأرض
يوسف بزعيق : تاجي؟... وبتقولها في وشي يا بحاجتك... انا هكسر رأسك يا سندريلا زمانك قال تاجي قال، يلا يا تاج يلاااا
____________________________
_استنى يا يوسف سيب ايدي بقولك
= امشي معايا بسكوت عشان انا على أخرى
=بسكوت ولا شيبسي نيهاها
زعق : اسكتي
حطيت ايدي على بوقي بخوف وسكتت
_ اركبي العربيه
حطيت ايدي في وسطي بأعتراض : لأ مش هركب، احنا لسه ما طفناش الشمع خلينا
نستني صاحبتي وهي بتقول هوف على الشمعه
= أنا اللي هقول هوف على حياتك وحياه الحيوان فهد اللي فوق ده
_ الاه مالك قماص كده ليه، خلاص هسميك يوسف القماص
ضحك : انتِ بتهزري يا بارده
قرب خطوه وانا رجعت لورا بخوف
_ اي ده في أي اثبت مكانك معايا بخاخه شطه وليمون هرش في عينك ابعد
= عايز اتجوز
بعدت لورا : طب ما تتجوز وانا مالي؟
قرب خطوه = بحب واحده زي القمر ولابسه فستان ازرق وانا وهي أصحاب اوي
= طب ما تروح تتجوزها انا مااالي
اتكلم بغيظ : انتِ يا بت غبيه كده
= الاه ليه الغلط طيب
_ بحبك وعايز اتجوزك
شهقت بصدمه وفضلت أكح
_ يخربيتك اهدي
= في حد يخض حد كده الاه
ضحك : الاه
المطره مطرت
بصلي وضحك : نجري
ضحكت بسعاده وانا بخلع الهيلز :. نجري
وتمر ضحكته على بالي وابتسم بدون شعور تدروا ليش لاني مهزأه😂💙
ما تنسوش تعملوا متابعه لاكونت بتاعي عشان يوصلك كل جديد يا سكر 💙
رايكم مهم جداً عندي
إرسال تعليق