سكريبت ينفع يحب شخص من غير مايقوله ندي الاروش
سكريبت ندي الاروش
_يعني ينفع يا رحمه ، صح ينفع ؟
اتنهدت وحطيت أيدها علي خدي :
_ينفع يا ست ندي ، بس زي ما قولت قلبه هيوجعه .
بصتلها وانا بغمز في بعيني :
_قلبه هيوجعه اوي اوي .
ضحكت :
_انتي شكلك بتحبي يا بت يا ندي.
اتنهدت وانا بحط ايدي علي خدي وبتكلم بتوهان وعيني بتلمع :
_مش بحبه بس ، قلبي عشاقنه .
اتكلمت بحيره :
_ودا مين سعيد الحظ ، اللي واقعك .
انتبهت لنفسي ولكلامي:
_ها متخديش في بالك ، دا تأثير الروايه الجديده اللي بقرأها .
ضيقت عينها وقربت مني وخدت وضع الهجوم :
_عليا باردو ، فكراني مش واخده بالي ،دا عمك سعيد اللي علي اول الشارع خد باله ، وكل ما يشوف اخويا زين يقوله ليلتك ندي يا زين يابني ، والواد يا حبة عيني ، مش فاهم .
قومت طلعت البلكونه وخدت نفس :
_باين عليا اوي كدا .
_اوي اوي .
اتنهدت وعملت نفسي بمسح دامعه وهميه واتكلمت بتأثر:
_طب هو ماخدش باله لي ، دا انا من اهتمامي بي ، عمك سعيد المكواجي لاحظ .
ضحكت وجات وقفت جنبي في البلكونه :
_غبي بقي هنقول اي .
_فعلا .
"الحب جميل، نصه راحه ونصه عذاب ،عذابه جميل بس بيوجع بيألِم الشخص ، ولو بتحب من طرف واحد ،بتهتم من طرف واحد ، واخد بالك من أدق التفاصيل ، بتاخد كل رد فعل من حبيبك علي اساس انها ليك ، ابتسم يبقي ليك ،زعل يبقي زعلان منك، الحب من طرف واحد بيهلك النفس والقلب ."
_____________
" من يوم ما وعيت علي الدُنيا ملقتش صاحبه ليا غير رحمه ،ندي ورحمه ،ورحمه وندي،من كُتر حُبنا لبعض ، أهلها صاحبه واتعرفو علي أهلي ، من الحضانه وحنا سوا ،لحد الثانوي ،اخوها زين بيذكرلنا فيزيا بما أنه كان شاطر فيها ، من أول يوم عيني شافت زين فيها وهي وقعت في حُب عيونه ."
_ندي هتحضري النهارده ، زين عامل امتحان علي أول باب في الفيزيا.
ابتسمت :
_هو أنا أقدر محضرش يا رحوم .
ضحكت :
_واقعه واقعه يعني .
ابتسمت لها :
_جدا ، وقعت ولا حد سمي عليا .
_طب ياعم الواقع متتاخريش .
_حاضر .
سكريبت بقلم ندي الاروش
"قفلت معاها وقومت اجهز اشوف هلبس اي ،بناخد فيزياء ٣ ايام في الاسبوع ، احلي ٣ ايام في حياتي ، بنتظرهم بفارغ الصبر ، زين طريقته وشرحه سلس وبسيط ، تفهم منه بسرعه ،يعني أنا بفهم منه بسرعه ،مش عشان بحبه لا ، تؤ عشان شرحه سلس"
_رحمه رحمه رحمه ..
_يُوه راديو ، بفتح هو انا نائمه ورا الباب .
زقتها ودخلت ، دخلت علي طول علي المطبخ ، ماما رحمه شاطره اوي في عمايل الاكل ، لازم ازور مطبخهم كل لما اجاي:
_سوسو ، بتعملي اكل اي ؟
ابتسمت :
_ندوشه ،بعمل محشي ولحمه.
_انا نقطة ضعفي المحشي واللحمه ، وبالذات من ايد سوسو .
بدأت تكشف حلة المحشي ،وحله الللحمه :
_يا بكاشه ، اغرفلك تأكلي ولا تستني زين ورحمه .
_هاكل دلوقت ومعاهم باردو يا سوسو .
_طيب يا حبيبي ، دقيقه بس .
_هطلع لـرحمه واجاي .
شاورت بـراسها بمعني اه "
_رحمه بتعملي اي ؟
_بذاكر ، زين حالف ينفخنا .
اتكلمت وانا عامله نفسي مخضوضه:
_اخص علي ، ينفخنا لي ، فكرنا كاوتش .
_اه كاوتش يا ست ندي ، يلا قدمي انتي وهي .
بتوتر:
_احم ، أنا بقول ينفخنا براحته .
اتريق علي كلامي :
_انتي هتقوليلي مانا فاهم ، وعارف .
_فاهم وعارف ، يا حوستي .
_______________
_ذاكرتوا ؟
اتكلمت :
_ان شاء الله.
كمل كلامه وهو بيقلب في صُفح الكِتاب :
_هعمل امتحان صُغير كدة ، بس بعد الحصه .
"شرح الدرس ، عمل امتحان وخلصنا ، طول مدة الدرس وانا مركزه في ، طريقته ، رد فعله ، عصبيته لما بيزهق ، المفروض من اهتمامي وتركيزي يعرف ، يعرف اني بحبه ، واني تعبت ، من ٣ سنين ، بالظبط ، ٣ سنين بحبه في السر ، ٣ سنين قلبي هِلك من حُب من طرف واحد ، حُب من غير تبادل حُب ، قلبي بيحب لوحده ، مُهتم لوحده ، بيزعل لما حبيبه بيتوجع لوحده ، قلبي محتاج مُشاركه ، قلبي محتاج يتحب!!
_______________
"كان واقف علي الباب وانا ماشيه مرواحه ، كان بيبتسم وهو باصص في التليفون ، انا عارفه أنه ممكن يكون بيحب ، عشقان ، بس انا قلبي بيوجعني لي ، ماهو طبيعي يحب ، يتحب ، يُخطب يتجوز ."
_ندي ، رُوفيده هتحضر معنا الدرس الجاي .
اتكلمت باستنكار:
_تحضر لي ، مش هي بتروح درس .
_رُوفيده بنت خالتي يا نوده ، زين عرض عليها تيجي تحضر ،وهي وافقت .
باقتضاب:
_طيب ، هلبس واجاي .
_سلام.
"اصلها كانت ناقصه رُوفيده هانم كمان "
_______________
روحت عند رحمه ، لقيت عروسه لعبه هناك ، يُوه ، اقصد رُوفيده ، بـشعر اصفر ، عيون خُضر ، عروسة المولد هي ،مختلفه عني ، أنا قمحاويه ،عيني عسلي "
_اهلا رُوفيده ، منوره .
اتكلمت بهدؤء :
_نورك يا ندي .
ابتسمت لها ابتسامه صفرا شبه لون شعرها تمام .
'زين شرح الدرس ، طول الوقت ، رُوفيده تقاطعه وتسأله ، والمُصيبه أنه مُبتسم ومبسوط ، المفروض ميضحكش غير ليا وبس ، وممكن رحمه كمان "
_عايزين بعد السنه دي تطلعو اي ؟
اتكلمت :
_عايزه اطلع زيك ، ادخل هندسه .
كلمني وهو بيلعب في شعره :
_احلمي حلم خاص بيكي يا ندي .
قطعته في الكلام وانا مبتسمه :
_حلمي خاص يا زين ، خاص جدا .
مركزش في كلامي وسأل رُوفيده :
_وانتي عايزه تدخلي اي يا رُوفيده ؟
ابتسمتله :
_فنون جميله ،حلمي من صُغري .
ابتسم لها وبدأ يشجعها :
_عظيم ، ربنا يوفقك .
'رُوفيده ، معروف عنها انها بتحب تلفت الأنظار ، هي باين في عيونها انها بتحب زين ، بس مش اكتر مني ، أنا بحبه بـكل جوارحي "
_______________
بتعملي كدا لي ؟
عملت نفسي مش واخده بالي :
_بعمل اي ، مش فاهمه !!
اتعصب ومسك ايدي واتكلم بصوت عالي :
_انتي عارفه انتي بتعملي اي ، بتغيري في نفسك لي وعشان مين ، عشان تلفتي نظر مين ؟
سحبت ايدي منه وانا مُنهاره من العياط :
_مش عشان الفت نظر حد، ابعد مش هحضرلك حصص تاني .
شد ايدي تاني :
_فاكره أن بعد ما تُصبغي شعرك اصفر ، وتحكي كُحل ، هتبقي زيها .
اتكلمت بقهره وعياط :
_انا مش عايزه أكون شبه حد ، هي اللي لفتت نظرك باختلاف رأيها .
اتكلم بهدوء بعد ما ساب ايدي :
_هي مالهاش ذنب .
_ولا قلبي لي ذنب ، ذنبه بس أنه حبك .
"سبته ومشيت ، يمكن قررت ابطل محاولتي الساذجه فـ أن اخلي يحبني ، أبطل اني احلم اكون زيه ، فـ نفس كُليته ، أبطل احلم اني اول يوم كُليه امسك ايده وادخل من باب الكُليه الكبير ، ابطل احلم أنه ممكن يكون ليا ، يحبني ، يُغرم بيا ، قلبه يعشق قلبي ، أبطل احلم بي .
_______________
_يعني مش هتحضري تاني خالص!!
كلمتها وانا ماسكه نفسي ومانعها عن العياط :
_لا هذاكر من علي النت ، اصلا خلاص احنا خلصنا حاجات كتير فيها ، متقلقيش عليا .
_متاكده .
ابتسمت وانا بحضنها :
_ايوه ، ابقي سلميلي علي سوسو .
طبطت علي ضهري وكلمتني وهي قائمه عشان تروح :
_عيوني .
_______________
_شوفي مين علي الباب يا نوده .
_حاضر يا ماما .
_رحمه ، رُوفيده ، زين كمان !
رحمه ضحكت :
_اصل رُوفيده ، صممت تيجي عشان تحضري معانا الدرس .
ابتسمت ابتسامه باهته:
_شُكرا .
"في نص الحصه خدنا بريك ، رُوفيده في حاجه عايزها تقولها ، بس زين و رحمه بيمنعوها :
_في حاجه يا رُوفيده !!
ابتسمت وهي بتبص لـزين :
_انا وزين خطوبتنا هتكون بعد الامتحانات .
ابتسمتلها وقومت حضنتها:
_مبروك يا رُوفيده ، مبروك يا زين ، ربنا يتم بينكم علي خير .
"رحمه كانت بتبصلي بشفقه ، شفقه عشان حبيت ،قلبي دق ، اهتم ، اتوجع ،داق طعم الحُب ، شفقه علي قلب حبيبه هيبعد، بينت اني فرحانه ، طالما هو مبسوط ، فرحان ، قلبه اختارها ، وهو شايف انها هتحبه اكتر مني ، هتهتم بي اكتر مني ، لو شايف كدا ربنا يسعدهم .
_انتي زعلانه يا ندي .
ابتسمت لها :
_هزعل لي يا رحوم ، هو مبسوط ، أنا كمان مبسوطه .
خدتني في حضنها :
_ندي ، عيطي يا حبيبتي .
وكأنها عتطني الانذار اني اعيط ..
_هو هو لي محبنيش يا رحمه ، أنا انا متحبش ، قلبي اللي حابه ميتحبش ،عيوني اللي مُغرمه بتفاصيله متتحبش ، عقلي اللي بيفكر ومشغول بي ميتحبش ، اتنهدت : أنا متحبش يا رحمه .
حاولت تهديني:
_شششش ، تتحبي كلك علي بعضك يا حبيبة رحمه .
"بعدها رحمه وزين وروفيده مشيو، وانا هربت من وجعي وقهرتي للنوم ."
_____________
"الايام مرت ، بين مذاكره ، دروس ، امتحانات في الدروس ، بس لسه قلبي متعلق بي ، بيدعي بي في كل صلاه ."
_ندي ، زين ساب رُوفيده ، مفيش خطوبه بعد الثانويه
اتكلمت بزعل حقيقي:
_طب ، لي دول كانو بيحبو بعض .
اتكلمت باستنكار :
_مقالوش اسباب ، قالو ان محصلش نصيب وخلاص .
_لعله خير .
"الامتحانات قربت ، وانا قلقي بيزيد اكتر ، خوف ، رهبه ، قلق ،توتر "
_عملتي اي في الامتحان .
اتكلمت بحزن :
_كان كويس يا رحمه ، انتي عملتي اي ؟
اتكلمت واحنا مشيينا سوا :
_كان كويس ،عقبال النتيجه .
_يارب .
رحمه اتكلمت بفرحه:
_مش مصدقه أن النهارده اخر يوم امتحانات.
بصتلها وانا ببتسم ابتسامه بسيطه :
_ولا أنا، هنبقي طلاب جماعي.
_علي خير.
"الامتحانات خلصت ،رجعنا لهدؤنا وسلامنا النفسي تاني ، الثانوي ضغط نفسي وعصبي فظيع ، بتخليك مربوط ولا عارف تخرج ولا تقعد مع أهلك ولا صاحبك ، ولا تعمل اي حاجه .
_______________
_مبروك حققتي حلمك ودخلتي هندسه .
اتخضيت من صوته ، يمكن عشان مكنتش متوقعه أنه يجيلي مخصوص ، عشان يباركلي .
_انت جاي مخصوص عشان تقولي كدا .
ابتسم وشدني من ايدي عشان نقعد علي السلم :
_لا ، جاي عشان اقول مبروك ، وجاي عشان حاجه كمان .
مقدرتش مابتسمش وهو بيوزع ابتسامته كله دقيقه كد :
_الله يبارك فيك ،عايز اي تاني ؟
_جاي عشان اقولك اسف ، اسف علي كُل شي ، اسف عشان قارنتك بيها وانتي متتقارنيش بحد ، اسفه عشان خليت عيونك تدمع ، اسف عشان قللت منك ومن حلمك ، انا بحبك انتي ،هي لفتت نظري باختلافها ، بس انتي حبتيني ، اجتهدتي عشان تبقي معايا في نفس الكُليه، اتنهد ومسح بايده علي شعره:
_انا أنا بحبك ،بحبك انتي .
عيطت ، يمكن عشان حلم بيتحقق ، عشان حُب اتمنته وبيتحقق ، قومت عشان اطلع فوق :
_انا طالعه .
شدني من ايدي :
_بتهربي لي ؟
اتكلمت با ابتسامه :
_مش بهرب ،هطلع أكلم رحمه واباركلها علي نجاحها .
_كُنتي قولتي لـرحمه مره انك بتحبي اسبونج بوب !؟
باستغراب :
_اه ، انت لسه فاكر ، دا كان عندكم مره واحنا في حصة الفيزياء .
ابتسم :
_ اه فاكر ، تعرفي ايه الفرق بينك وبين اسبونج بوب !؟
_ايه ؟
ابتسم وبص في عيوني :
_هو بيسكن البحر ويحبه الناس ، وانتي بتسكني قلبي وانا اللي بحبك .
في الخلفيه الست بتقول "وقابلته نسيت اني خاصمته ونسيت الليل اللي سهرته وسامحت عذاب قلبي وحيرته، معرفش ازاي أنا كلمته ، مقدرش على بُعد حبيبي ، أنا ليا مين إلا حبيبي ؟
جميلة جدا
ردحذف