قصص تعالي نقرأ الوِرد إسراء عطالله
نمتِ لا لسه خلاص تعالي نقرأ الوِرد سوا تمام. بعد مرور عشر دقائق..
إسراء سرحتِ فين!! -هااا!!
مش هنبدأ ولاايه؟!! -لا هنبدأ.
طيب يلا. -تمام.
قصص إسراء عطالله
ليه حاسس انك مش عايزة او مش عارفة في اايه؟!!
-رائد!!
التفت اليها يستحثها للتكملة..
-عايزة أسأل سؤال بس خايفة يكون حرام.
حرام!! لا اسألي وبإذن الله مش هيكون حرام.
-قالت بتوتر:انا مش برتاح للقرآن.
مش بترتاحي!! ده ازاي!
-بالله ما تتعصب، انا مش عارفة ازاي بس يعني..
مش هتعصب يااإسراء أنا بسألك عادي بس فهميني ازاي!!
-يعني انت ماشاء الله بتقرأ القرآن بخشوع وكمان بتبكِ في آيات كتيير وانت بتقرأ انا تقريبًا عمري ما حسيت الخشوع ده بالرغم من اني بقرأ الوِرد باستمرار بس بحسّ ان كل همي اخلص وبس.
قال بهدوء وهو يمسك بيديها:فهمتك يعني بمعنى أصح بتحسي نفسك بتقرأي كلام وخلاص وممكن بالك يكون مشغول بحاجة تانية؟!
-بالظبط ده الل بيحصل.
طيب ياإسراء، انتِ بتحبيني؟!!
-وده وقته!!
جاوبي على سؤالي!
-أكيد بحبك وجدًا كمان.
تمام يبقى أكيد بتحبي وجودي في البيت بتحبي كلامي او طريقتي في الكلام زي ماانا ما بحبك وبحب ده فيكِ بردوا!
-اايوه فعلًا وبحب كل كلمة انت بتقولها.
بتحبِ ربنا؟!
-بحب ربنا اووي ومش بحب اعصيه بس بتحصل حاجات غصب عني.
والقرآن ده كلام مين؟!
-كلام ربنا.
بالظبط كدا يبقاا ده اكبر سبب يخلينا نحب القرآن احنا بنحب ربنا يبقى لازم نحب كلامه الل هو القرآن ولله المثل الأعلى.
-انا بحب القرآن جدًا بس مش بقدر أتدبر فيه مش بقدر انعزل عن العالم وأركز معاه هو وبس.
انتِ لو حد دافع عنك في مشكلة هتكون مكانته اايه عندك!!
-هقدره جدًا وهيبقي معروف ليه عندي طول عمري.
قصص إسراء عطالله
طيب تعرفي انك يوم القيامة القرآن الل بتقرأيه في الدنيا ده هيكون شفيع ليكِ ساعتها!! يعني لو ذنوبك والعياذ بالله مش هتدخلك الجنة وهتدخلك النار القرآن ساعتها هيقف ويكون شفيع ليكِ زي ماانتِ كنتِ بتداومي على قرائته في الدنيا.
-فعلًا القرآن ده نعمة في اايدينا ومش حاسين بيها والله.
فعلًا نعمة كبيرة، في حديث عن الرسول صلى الله عليه وسلم فيما معناه ان كل حرف في القرآن بحسنة!! والحسنة بعشر أمثالها!! والله يضاعف لمن يشاء، متخيلة ان كل حرف بعشر حسنات!!
الكلية الل انتِ كنتِ عايزاها فرقت معاكِ على كام درجة؟!
-عشر درجات.
متخيلة ان الجنة ممكن تقف معاكِ على عشر حسنات؟! كده كده ربنا برحمته هيدخلك الجنة ولكن شوفتِ احنا بحاجة كل حسنة للآخرة زي مااحنا بحاجة كل درجة في الامتحان بل ان الامتحان يعوض انما الخسارة الحقيقية هي خسارة الحسنات .
وكمان تعرفي إن بعد ما نعدي الصراط هنقف على القنطرة الل فيها هتخلص المظالم وكل واحد له حق عند التاني هياخد من حسناته ولو حسناته خلصت يبدأ يديله من سيئاته، الأمر كبير واحنا في غفلة !
-فعلًا احنا في غفلة!! يعني ممكن بقراءة الورد كل يوم هنعمل جبال من الحسنات تدخلنا الجنة وترفع درجاتنا فيها كمان.
بالظبط كده وحبيبي الشطور هيلتزم بالورد كل يوم ويقرأه بتدبر علشان ياخد أجر أكبر!
-هو انا لو قرأت من غير تدبر مش باخد حسنات؟!
الله أعلم مش هقدر أفتي في النقطة دِ ولكن سمعت قبل كده والله أعلم انك بتاخدِ أجر عليها بردوا.
-ربنا رحمته بينا كبيرة اووي.
فعلًا ربنا يجعلنا من أهل القرآن وخاصته.
-يارب.
انتِ بتحبي تسمعي قرآن بصوت الشيخ فارس عباد صح؟!
-بحب اسمع قرآن بصوته جدًا.
لا والله.
-ااها والله بس صوتك انت الاول طبعًا.
قال بابتسامة:اايوه كده.
ضحكت ثم قالت:طيب يلا الوِرد بقاا أنا مشتاقة أقرأه النهاردة جدًا.
يلا.
بعد الانتهاء...
تخيلي بقاا ان القرآن اجره مش في الآخرة بس لا وكمان ده في الدنيا.
-ازاي!!
يعني القرآن حافظ لينا في الدنيا وشفيع لينا في الآخرة، عارفة خدي القرآن زي صديق ليكِ كده يعني انا كل يوم ليا صديق عزيز عليا وهو المصحف فهفتحه واقرأ فيه شوية يعني زي مثلًا لما تخلي لقائك بربنا ولله المثل الأعلى وكأنه صديق ليكِ هتحكِ ليه كل مشاكلك بس الفرق بين ربنا وبين الصاحب البشري العادي ان ربنا هيحل ليكِ كل مشاكلك ده غير الراحة الل هتحسيها بعد الكلام مع ربنا.
-راحة متتوصفش والله، ربنا يديمك لياا يحبيبي كلامك فرق معايا جدًا وهطبقه على طول إن شاء الله.
إن شاء الله يحبيبتي وهنفضل نجاهد لحد ما نبقى ما بعض في الجنة إن شاء الله.
-إن شاء الله.
إرسال تعليق