اسكريبتات رومانسية انا جبت أخرى بقلم لولو عمرو

حواديت غيث بقلم حنان عماد خطاب

الفُستان ضيق بس ...مبسش، مش هتنزلي كده يا غيث، الفستان مش ضيق، الفستان مُناسب قولت لا يعني لا بضيق أنتَ بتتلكك يعني! أنا بتلكك يحنان!!

دا عاشر فستان اجربه، ومفيش ولا فستان عاجبك، وكل فستان تطلعلي فيه ميت عيب!

اتجاهلني بدون رد!
_أنتَ بتتجاهلني ليه؟
_عشان كلامك مش منطقي!
_يعنى أنا اللي كلامي حاليًا مش منطقي! وتصرفك اسميه ايه؟
_رد بحنيه وابتسامه هاديه"تقدري تقولي بغير عليكِ أوي"
_بس ... ايييييه! بتقول ايه!
_قرب بهدوء ومسك ايدي " عشان بغير، مستغربه ليه؟
_بتوتر: لا .. لا مش مستغربه بس أنتَ أول مره تعرفني إنك بتغير!
_ابتسم وإنا قلبي اتخطف مع ابتسامته "مش بتحسي بحبي يعني!"
_بادلته نفس الابتسامه: اكيد بحس، لكن الكلام ليه دور وتأثير.

"الست بطبعها بتميل للفعل اكتر من الكلام خصوصًا في قصص الحُب، لكن مش هننكر إن للكلام دور مُهم وضروري ، الست بتحتاج كل فترة يتقالها من جوزها إنها جميلة وإنه بيحبها، وقتها مُعدل هرمون السعادة عندها بيرتفع جدًا، لدرجة إن تصرفاتها بتكون نابعة من القلب وكل طلباته بتكون مُجابه وعلى قلبها زي العسل كمان"

حواديت غيث بقلم حنان عماد خطاب

_طب والفُستان!
_شايفه البيبي بلو دا !
_ماله؟
_البسيه عشان تحليه!
_مش المفروض العكس!
_تؤتؤ أنتِ اللي هتحليه

"اختيار الكلمات، والوصف الأفضل بيفرق في حياة أي شخص ما بالك لو كائن دقيق في التفاصيل زي المرآه"!

_بضيق: مين اللي كانت واقفه معاك دي!
_بلامبالاه: دي كانت زميله ليا من أيام الجامعة، شافتني جت سلمت عليا ومشيت
_بحنق: وأنت واقف بتضحك معاها ليه؟
_الله! دا احنا بنغير بقى!
_غيييث! مش وقت هِزارك!
_بحنيه: أولًا مش بضحك كانت مُجرد ابتسامه عابره، ثانيًا أنا سبت الكل واختارتك أنتِ كل دنيتي وماليه عيني وقلبي، ولو رجع بيا الزمن هختارك تاني وتالت ومليون، فـ اكيد مش هبص لغيرك، ييجوا يشوفوا القمر اللي سلامه بعنيه مش بكفوفه.
_ابتسمت برضا وأنا بدعي ربنا يباركلي فيه

"احساس إن شريك حياتك يكون مُكتفي بيكِ، وشايفك أجمل البنات حتى وأنتِ في أسوأ حالاتك، دي بالدنيا وما فيها، لما تكوني معاه وأنتِ متأكدة إن عمره ما يبص لغيرك ولا يلفت نظره أي بنت، فـ حقيقي مفيش أفضل من إنك تكوني بالنسبة لشريك حياتك الرزق اللي بيحمد ربنا عليه دايمًا !"

_فيه كافتيريا هِنا
_نشرب قهوة!
_ونشارك بعض تفاصيل يومُنا
_ونعيد ذكرياتنا من أول ما وقعت في حُبك!
_واحكيلك أنا "كيف حالك" ازاى؟

"كيف للقلب أن يهوى مرةً أخرى، والغيثُ بداخله مُقيم .."