يوم فرحنا بقلم عمرو خالد
_يوم فرحنا كانت قاعده بفستانها الجميل وبتعيط ..
افتكرت انها خايفه مني ، أو في حاجه معاها ، أو في حاجه بتوجعها ، استغربت لما شفتها ،
حكاوي نوفيلا للروايات
قربت منها وهي بتمسح دموعها ، كأني عامل مشفتش حاجه وبسالها مالك ..؟ ردت عليا عادي ؛ كنت فاكر انها هتقول خايفه ،
أو الكعب وجع رجلها ، بس قالتلي .. _ ماما : مالها ..؟ _ مش عايزه اسيبها ردها وجعلي قلبي حقيقي ، مكنتش عارف اعمل ايه ف اللحظه دي ، حسيت نفسي مشلول ، مش قادر اتكلم ولا اتحرك ، طب اقولها اي ،
أو اواسيها ازاي ، دول أهلها ، اقولها معلش ، ولا اقولها ارجعي ليهم ، شخص ساب أهله وبيته وأوضته واكله المفضل وراحته وصحابه ودراسته وحاجات كتير جدا عشان يجي يعيش معاك ، متخيل انها سابت كل دا عشان تيجي ليك .. ؟ متخيل انها سابت كل الناس دي عشانك .. ؟ متخيل أنها سابت كل حاجه كانت مريحه ليها وجت عشان تريحك انت وتشوف امورك ..؟ يبقى احنا بكل احترام نعمل ليهم تمثال تكريمًا ليهم ، تكريمًا لشخص اللي ساب الدنيا كلها عشانا ، تكريمًا للي سابت كل حاجه وراها وجت عشانك واختارتك انت ، يبقى من حقنا نحطهم في راسنا ، ومن حقهم يكونوا فرحانين ومبسوطين دايما ،
عشان هما يستاهلوا بعد فرحنا بأسبوعين ، كانت خايفه تبادر أو تسأل عن اي حاجه ، أو تطلب حاجه مثلا .. لاحظت عليها كده كتير ، بقيت كل يوم اجيب ليها الشيبسي والشيكولاته ، كانت بتفرح زي الأطفال ، كانت بتخاف مني ،
معرفش ليه ، بس حاولت احسسها بالأمان عشان تطمن ، واخليها تبقى بنتي مش مراتي ، وفعلا اتعودت عليا ، وبقيت بكل بجاحه مش بتدخلني البيت من غير الشيبسي والشيكولاته ، لان الهانم المود بتاعها مش حلو ، فأنا مضطر اجيب ليها كل مره عشان ادخل شقتي ، انا بقول ترجع لأمها تاني أفضل ، عشان أنا مش حابب الموضوع دا .. الاحساس بالأمان سهل يتحس ، صعب يتلقي ، مش اي حد ممكن يحسسك بالأمان الا إذا كان بيحبك ، الحب لوحده مش كفايه ، الحب لوحده مش هينفع ،
الحب من غير تفاهم ، واهتمام ، وأمان ملوش لازمه ، اسم بلا مسمى ، زي الورده من غير ريحه ، زي الليل من غير قمر ، الحب من غير أمان ، ملوش لازمه ، وإللي بيحبك بيحسسك بالأمان ، حتى لو كان هو مش ف أحسن حالاته ، إللي عايز هيعمل
إرسال تعليق