اسكريبتات رومانسية انا جبت أخرى بقلم لولو عمرو
U3F1ZWV6ZTIzODgyOTYxODI3ODM2X0ZyZWUxNTA2NzQzNzUwMTE3OA==

اسكريبتات رومانسية انا جبت أخرى بقلم لولو عمرو

اسكريبتات رومانسية انا جبت أخرى بقلم لولو عمرو

بقولك اي انا جبت اخري انا معدتش مستحمله البت دي 

- يعني اعمل اي ي سالي دي بنتي برده 

نعم يخويا بنتك ، طب قسم بالله لو البت دي ممشتش من هنا لسيبلك البيت وخلي بنتك حبيبتك تنفعك 

- يعني اي الي بتقوليه دا ، الناس تقول عليا اي لما يعرفوا اني رميت بنتي ف الشارع


اسكريبتات رومانسية لولو عمرو

اسكريبتات رومانسية لولو عمرو

   

وانا ماليش دعوه بالي يقولوه ، غير احنا ممكن نقول انها تاهتت وخلاص 

- الموضوع مش بالسهولة دي 

ماليش دعوه دا الي عندي ، من النهارده مش عايزه اشوفها ودا اخر كلام. 

______________________________ 

" بابا احنا رايحين فين " 

- هتعرفي اهو ، يلا انزلي 

" بابا سابني وراح اكلم مع راجل وكان باين ع ملامح الشخص دا انه حزين بس فاجأه لاقيت بابا بيديله فلوس كتيره وكان بيشاور عليا بعدهاا جهه هو والراجل عندي " 

- من هنا ورايح انتي هتعيشي مع الراجل دا وعايزك تنسيني نهائي انتي فاهمه 

" كنت مصدومه من الي بسمعه ، اي الي بتقوله دا ي بابا انساك ازاي وازاي هتسيبني اعيش بعيد عنك ومين الراجل دا اصلا ، بابا متهزرش " 

- انا مش بهزر وانا مش ابوكي وزي مقولت انسيني واتعودي ع دا انا زهقت منك ومش عايزك ف حياتي فاهمه .

" بدأت اعيط جامد وانا شيفاه بيمشي وبيبعد فعلا يعني هو مش بيهزر يعني بجد هيرمي بنته : بابا لا ونبي ي بابا متسبنيش بابا انا بنتك محتجالك مش هزعل منك هسمع كلامك وكلامها مهما تضربني مش هعيط بالله ي بابا متمشي استني ي بابا، باباااااا انا بنتك متمشييش " 

" كان اخر كلمه قلتها وبعدين فقدت الوعي ، فوقت لاقيت نفسي ف بيت بسيط خالص مقارنه بالبيت الي كنت عايشه فيه لاقيت الراجل الي كان مع بابا وجمبه ست بسيطه عماله تطبطب عليا وعنيها مليانه دموع وف ولد كان واقف بعيد عنهم عمال يبصلي ، بدأت افوق وافتكر الي حصل وبدأت اعيط من تاني وانده علي بابا "

- اهدي ي بنتي اهدي ومتقطعيش قلبي اكتر من كده اهدي ي حبيبتي

" اخدتني ف حضنها وبدأت تعيط ع عياطي فضلنا فتره كده لحد محسيت ان كل دموعي خلصت وطاقتي خلصت ، فبدأت اهدي وعياطي وقف " 

- اهدي ي حبيبتي ، انا اسمي جميله ودا اسمه صلاح "ندهت ع الولد الي واقف بعيد عننا " ودا بقي ابني اسمه احمد اكبر منك ب٤ سنين ، عايزاكي تعتبرينا من هنا ورايح اهلك وعايزاكي تعتبريني مامتك واوعدك عمري م هقصر معاكي ف حاجه واني هحبك زي ضنايا "اخدتني ف حضنها وبدأت تعيط تاني ع حالي وانا مكنش فيا حيل ارد . " 

" الموقف دا عدي عليه ٦ سنين انا دلوقتي عندي ١٨ سنه ، وفعلا ف ال٦ سنين دول ماما جميله وبابا صلاح مقصروش معايا ف حاجه ، اه عشيتنا كانت بسيطه بس كانت مريحه وجميله بيت دافي وجميل مشوفتش منهم حاجه وحشه ابدا بالعكس حاولوا يعوضوني عن كل حاجه وحشه شوفتها ، بابا صلاح مات من ٣ سنين مع اني مكنتش عشت معاه غير فتره صغيره الا اني اتوجعت اوي ع فراقه ف الفتره الي عشها معايا احتواني زي بنته وكان سند ليا وكان ديما محسيسني اني بنته بجد ولما كان حد يزعلني كان بيجبلي حقي كان ديما بيقولي اني هبقي دكتوره واهو النهارده قدرت احقق حلمه وابقي دكتوره " 

- دكتورتنا الجميله ، جاهزه عشان نوصلها 

" ابتسمت ليه ومسكت شنطتي : طبعا جاهزه يلا بيناا " 

وصلنا وكنت فرحانه اوي  بأول يوم ليا ف حياتي الجديده لاقيت احمد وقف العربيه وبصلي : آلاء  انتِ عارفه قد اي انا فخور بيكي وعايزك ديما كده ناجحه ورافعه راسي انا وماما ، انا واثق فيكي وعارف انك هتقدري تحقيقي كل الي بتتمنيه ، انتِ قويه عشان قدرتي تمري بكل دا وفضلتِ صامده ومكسرتيش ، مش عايزك تحسي انك لوحدك ابدا افتكري اني موجود معاكي علطول ولو طلبتي عنيا ميغلوش عليكِ .

" جميل ان يبقي ف فحياتك حد بيحبك وفخور بيك لأبعد حد ، احمد عمره محسيسني انه غريب عني ديما بيبذل كل جهده عشان يخليني مبسوطه وسعيدة اول حد قربت منه وحكيتله الي كان بيحصلي كان هو وحقيقي مشوفتش منه غير حنيه تكفي العالم كان ف كل موقف بحسه بيعتذرلي عن قساوة الدنيا معايا " 

"ابتسمت وانا بكلم : انت عارف ان لوله وجودكم ف حياتي مكنتش هبقي كده انا من غيركم ولا حاجه انتو عيلتي الحقيقيه انا بحبكم جدا ونفسي ديما اخليكم فخورين بيا ومتندموش ف مره انكم دخلتوني بيتكم ، فمتقلقش عليا وجهز لينا سهره حلوه كده بليل عشان احكيلك ع اول يوم ليا كان عامل ازاي " 

- يبنتي بقي ركزي ابوس ايدك عليكي امتحانات وهتسقطي بإذن الله 

" بإذن الله اوعي كده وريني البيبسي دا بيقول اي " 

- حرام عليكي دي خامس واحده تشربيها ، عضمك دا ملوش حق عليكي 

" طب اعمل اي الموضوع طلع متعب اوي وانا الصراحه بقيت مرهئه اوي " 

- معلش عشان خاطري ي مرهئه شدي حيلك اصل انا مش هقبل اقل من امتياز وانتي عارفه لو قليتي عنه هعمل فيكي اي 

" يأخي منك لله ، مهو لو انت الي بتتهان مكاني مكنش دا بقي كلامك واوعي بقي هقوم اذاكر لوحدي هه " 

- ضحك وقالي: طيب يقفوشه هتلاقي ف اوضتك كل الحاجات الي بتحبيها يكش يطمر ومش عايز اشوفك خارجه من اوضك غير يوم النتيجة 

" ضحكت لاني عارفه انه اكيد حاسس بالضغط والقلق الي انا فيه : ماشي ي خويا متنساش تدعيلي وتخلي جميله تعملي الاكل الي بحبه " 

اسكريبتات رومانسية لولو عمرو 

____________________________ 

-ازيك يست الكل عامله اي 

الحمد لله ي حبيبي 

- اي مالك حاسس فيكي حاجه 

بحزن: آلاء جت بدري النهارده وكان شكلها مضايق جدا بس محبتش تحكي ودخلت ع الاوضه علطول  ، روح شوفها يبني مالها وطمني عليها 

- حاضر ي حبيبتي ارتاحي انتي بس وهي هتكون كويسه متقلقيش 

____________________________ 

- اي ي كئيبه هرموناتك اشتغلت النهارده بدري ليه كده ؟!

" كنت عارفه انه بيحاول يضحكني بس مكنتش قادره اول م شوفته انهارت ف العياط مهو هو الوحيد الي بيفهمني وقادر يحللي كل مشاكلي بدأت اعيط جامد وهو اتخض وحاول يهديني " 

- مالك ي آلاء في اي ، حصل اي لكل داا 

" ليه ليه كل محب حد يسيبني ، ليه انا م مكتوبلي حد يفضل معايا ، لدرجه دي انا وحشه لدرجه دي انا متحبش ، ديما انا الي بحب وبضحي وبتمسك بالناس بس ف الاخر مش بتقدر ، تعبت بجد من صغري بعاني ملحقتش اعيش مع امي وماتت وسابتني مع اني كنت صغيره بس حسيت يفقدنها حسيت ان في حاجه اكسرت ف قلبي وبعدها ابويا ، ابويا الي رماني ف الشارع كأني زباله رماني من غير ميحس بالذمب ولو للحظه رماني ومسئلش عليا مره واحده بس تخلي عني بمنتهي البرود ، والكبيرة صاحبتي .. صاحبتي الي قضيت معاها سنين من حياتي شركتها حياتي واسراري وكل حاجه ، ف الاخر مشت ومشت بعد مكسرتني مشت بعد م اكتشفت انها مكنتش بتحبني بتكرهني وبتكره الخير ليا ، ليه وهي عارفه قد اي اتظلمت من الحياه ، اكتر حد شهد ع ضعفي وانكساري ، جالها قلب تعمل فيا كده ، انا تعبت بجد تعب " 

- انا اسف انا بجد اسف ، اسف اني مبعدتهاش عنك من الاول انا كنت حاسس انها مش كويسه وتصرفاتها مكنتش مريحه بس لاقيتك بتحبيها فقولت يمكن ظلمها ، اسف اني مكنتش موجود من زمان بس انا هنا معاكي وجمبك انا عمري مهسيبك ابدا ، بعتذرلك ع قساوه الدنيا معاكي 

____________________________ 

- لوله تعالي بسرعه عندي ليكي مفاجأه انما اي هتعجبك جاامد 

" خير تكونش هتخطب وتريحني منك اخيرا " 

- وهو انا يعني لما اخطب فكرك هترتاحي مني ، بس لا مش خطوبه..اخيرا حلمي اتحقق وحياتنا هتتغير .

" اي الي اتحقق بظبط " 

- جالي فرصه كويسه اشتغل ف شركه كبيره 

" بجد والله مبارك ي ابوحمييد ، انت تعبت كتير علشانا وجه الوقت الي ربنا يعوضك " 

- اي تعب يهون علشانكم والله  

_____________________________ 

" ماما احمد مجاش كل دا ليه هو معقول نسي انه النهارده تخرجي " 

معلش ي حبيبتي تلاقيه مشغول جامد انتي عارفه الشغل زاد بعد م بقي المدير ، متزعليش منه عشاني وانا اهو معاكي ولا لازم استاذ احمد يعني 

" بوست ايديها وحضنتها : اي الي بتقوليه دا ي ماما دا انتِ الاهم عايزه اشكرك ع كل حاجه عملتيها ليا وع كل مره كنتي بتثبتي ليا اني بنتك بجد بشكرك ع انك رجعتيلي احساس الامان والحضن الدافي بشكرك ع انك ف حياتي و معايا ف اللحظه دي " 

بدموع: يحبيبه قلبي انتي بنتي بجد وانا هفضل معاكي لحد ماسلمك للي هيجي ياخد بنتي وحته من قلبي وهفضل معاكي برده بعدها خدي بالك 

" جهه وقت التكريم ومكنش جه لسه حسيت بحزن كبير تملك قلبي ، بس بعدها لاقيت الاضواء كلها اطفت الا ضوء واحد اتسلط عليا وضوء تاني اتفتح وكان احمد واقف قدامي معاه ميكروفون وبدأ يكلم " 

- طبعا كنتي مفكره اني ممكن انسي يوم زي دا او ممكن اسمح لحاجه انها تمنعني اشاركك اليوم دا بس انتي هبله ، انا النهارده اسعد انسان ف الدنيا بنتي حبيبتي كبرت واتخرجت وبقت اجمل دكتوره وطلعت قد ثقتي فيها  ، صديقتي الوحيده واماني ومأمني حققت حلمها وفرحتني ، امي الي ديما خايفه عليا وديما ورايا وسنداني ، والأهم حبيبتي والوحيده الي خطفت قلبي وبقت هي الحب الاول والاخير ف حياتي ، انتي بنسبالي حاجات كتير اوي انا من غيرك مقدرش اعيش انتي كنتي صدفه جميله اوي دخلت حياتي ، مش عايز اعيش حياتي من غيرك مش عايز اشارك تفاصيل يومي مع حد غيرك ، انا عايزك معايا ف كل لحظه ، انا بحبك وعايزك ليا ، آلاء تقبلي تتجوزيني وتكملي باقي حياتك معايا .

" طبعا كنت بعيط كالعاده بس كانت دموع فرحه ، اكيد بعد كل الي عمله عشاني والي لسه بيعمله اكيد حبيته بال عشقته كمان ، دا سندي وعوض ربنا ليا انا لو لفيت الدنيا دي مش هلاقي حد زيه " 

" بصيتله وابتسمت : وهو فكرك بعد كل دا ممكن اخلي حد يشاركني حياتي غيرك؟! موافقه طبعا " 

كل حاجه عباره عنك، كل حاجه شايفها انتَ♥️" 


- Lolo amr ♥️

تعليقات
ليست هناك تعليقات
إرسال تعليق

إرسال تعليق

الاسمبريد إلكترونيرسالة